Ministrja e Shtetit për Mbrojtjen e Sipërmarrjes, Sonila Qato inspektoi shërbimin e ofruar për qytetarët nga zyra e Regjistrimit të Pasurive të Paluajtshme të qarkut të Gjirokastër. Qato shoqërohej nga dy deputetët e qarkut: Mirela Kumbaro dhe Flamur Golemi.
Nisur nga eksperienca si drejtuese e Agjencisë së Trajtimit të Pronave, Qato vuri në dukje se ishte në dijeni të një veprimtarie aspak pozitive në shërbim të pronarëve nga ana e kësaj zyre në të kaluarën!
“Konstatova gjatë këtij inspektimi, një ndryshim rrënjësor të ofrimit të shërbimit ndaj qytetarëve nga ana e kësaj zyre kaq të rëndësishme, dhe i kërkova regjistruesit të ZVRPP Gjirokastër, një vëmendje të shtuar në ofrimin e shërbimit si ndaj qytetarëve ashtu edhe ndaj sipërmarrjes, e cila ka shumë nevojë të mbështetet nga të gjitha institucionet shtetërore”, deklaroi Qato.
