Prefekti i Gjirokastrës, Astrit Aliaj zhvilloi sot një takim me drejtues të institucioneve shtetërore në nivel vendor. Fokusi i këtij takimi ishte raportimi nga ana e drejtuesve për realizimin e detyrave për 4-mujorin e parë të vitit 2018, marrëdhënia me qytetarët, zgjidhja e problemeve të tyre, shërbimet, realizimi i investimeve dhe rekomandimet e drejtuesve për ministritë e linjës dhe Këshillin e Ministrave.
“Kjo mbledhje i paraprin turit të llogaridhënies në takimet që do të zhvillohen nga ana e ministrave, zv/ministrave dhe drejtuesve të lartë në qarkun e Gjirokastrës lidhur me veprimtarinë e punës së institucioneve shtetërore vendore në qarkun tonë”, sqaron Prefektura përmes një njoftimi.
