Përmes një konference të posaçme, ministri i Brendshëm, Fatmir Xhafaj, sqaroi sot pozicionin e tij dhe të vëllait në lidhje me akuzat e opozitës dhe të dhënat e publikuara në media.
Mes një sqarimi të gjatë, Xhafaj u ndal gjerësisht edhe tek sulmet personale që janë bërë ndaj tij dhe familjes, ndërsa deklaroi se “mos prisni të merrem me bashkëshortet, djalin,vajzën, motrat, vëllezërit, baxhanakun dhe kunatin e disa prej këtyre të pacipëve që më kanë sulmuar mua gjithë këto ditë, paçka se ka shumë për të thënë dhe bërë ndaj tyre, në këtë aspekt”.
Pyetja që shtrohet në këto momente është se ndaj kujt drejtohej ky mesazh i ministrit të Brendshëm? Cilët janë janë bashkëshortet, djali,vajza, motrat, vëllezërit, baxhanaku apo dhe kunati që përmendi indirekt ministri Xhafaj?
