Policia e Tepelenës ka arrestuar një person, i cili drejtonte makinën në gjendje të dehur. Ai është Amarildo Koxhaj, 31 vjeç, banues në fshatin Damës, Tepelenë. Arrestimi i këtij shtetasi u bë pasi në rrugën “Ali Pashë Tepelena”, në qytetin e Tepelenës, u kap në flagrancë nga policia duke drejtuar mjetin autoveturë, tip “Audi”, me targë AA 156 TF në gjendje të dehur. Materialet i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për veprën penale “Drejtimi i automjeteve në mënyrë të parregullt”, parashikuar nga neni 291 i Kodit Penal.
©ArgjiroLajm.net
