Tentativa e sotme e grupimit PD-LSI në Këshillin Bashkiak të Gjirokastrës, për të shkarkuar dy përfaqësuesit e PS-së në Këshillin e Qarkut, synon marrjen e kontrollit të këtij institucioni. Pra, duke ndryshuar balancat në Këshillin e Qarkut, me ikjen e Armand Hilës dhe Shkëlqim Guçes, Roland Bejko, Zamira Rami dhe Vangjel Tavo, duan të krijojnë një shumicë të re, për të marrë drejtimin e Këshillit të Qarkut.
Ndonëse s’ka ende një kandidaturë zyrtare, pasi shkarkimi i Shkëlqim Guçes dhe Armand Hilës dështoi, nëse PD-LSI arrin në ditët e ardhshme të bëjnë shumicën në Këshillin e Qarkut Gjirokastër, kandidati i projektuar për ta drejtuar këtë institucion është Dasho Aliko, ish-kryetari i Komunës Lazarat për shumë vite. Aliko ishte një prej emrave të propozuar nga Roland Bejko për të shkuar në Këshillin e Qarkut. Por kur shkarkimi i Shkëlqim Guçes dhe Armand Hilës u hodh në votim, dy prej këshilltareve të LSI-së; Monda Kllapi dhe Vjollca Koko kundërshtuan. Grupimi PD-LSI arriti vetëm të shkarkonte sekretarin e këshillit, Semi Golemi, i cili ishte votuar në atë post 3 vjet më parë si përfaqësues i PS-së.
©ArgjiroLajm.net
