Deputeti i Partisë Demokratike, Luçiano Boçi,me anë të një statusi në Facebook ka denoncuar se nxënësit lajnë xhamat e shkollës, pasi do të vij për vizitë Ministria e Arsimit. Sipas Boçit fotot janë bërë në shkollën Nonda Bulku në Përmet, dhe nxënësit janë në urdhrin e përgjegjëses së Arsimit dhe drejtoreshës së shkollës.
Postimi i plotë:
LANI XHAMAT SE PO VJEN KUSH PO NA VJEN…
…na vjen Ministresha e Arsimit! Për këtë arsye nxënësit u detyruan të kacavirren majë dritareve që të mund të arrinin xhamat, paçka se janë në proces mësimor. Kështu janë shtrënguar të veprojnë fëmijët e shkollës Nonda Bulka në Përmet. Nën urdhërin e përgjegjëses së Arsimit dhe drejtoreshës së shkollës, mësimi është braktisur dhe gjithcka i është përkushtuar “vizitës historike”. Ja pra që “Reforma në Arsim” është kry! Lahen xhamat…prej fëmijëve. Ca lule me nxënës që qeshin… Ministrja që shtrëngohet të qeshë… Mësueset që “mezi” presin të puthin ministren… Një rrëfim shkollaresk në vazhdim nga Ministresha për suksese imagjinare Në fund ajo që u lodh më shumë ishte ministrja jo nxënësit që lanë e pastruan. Ajo mbolli një lule… Dhe mbaroi. Pas kësaj në PISA ne dalim të parët….
