Hasan Likës nuk i ka mjaftuar arritja historike me ekipin e Luftëtarit, teksa ndarja e tij nga bluzinjtë ishte e pashmangshme në fundin e sezonit.
Drejtimin e skuadrës tashmë e ka marrë tekniku slloven, Kostiç, që i është vendosur si objektiv nga klubi për të dalë gjithmonë në vendin e 3, për sa kohë ai të qëndrojë në drejtimin e Luftëtarit. Në një intervistë për “RTSH Sport”, Kostiç është shprehur se qëllimi i tij është për të zhvilluar një lojë të bukur dhe që skuadra e tij të realizojë sa më shumë gola.
“Kur je në punën e trajnerit, ke gjithmonë njohuri për ligat e Europës, duke përfshirë edhe kampionatin shqiptar.
Megjithatë sapo u kontaktova nga Luftëtari, unë u interesova më tepër për Superioren dhe kam parë të gjitha ndeshjet e dy viteve të fundit të Luftëtarit, për të ditur se çfarë më pret. Nga Luftëtari janë larguar dy sulmuesit e krahëve, gjithashtu është i dëmtuar edhe një prej qendër mbrojtësve. Përforcimet duhet të nisin nga aty, por kjo nuk do të thotë se nuk do të shohim për lojtarë që luajnë në role të tjera.
Ne nuk ka problem nëse këta lojtarë që do të afrohen janë shqiptarë, sllovenë apo të ndonjë shteti tjetër, mjaftojnë që ata të jenë të aftë në rolet e tyre. E dimë rregullin që lejohen vetëm 4 lojtarë të huaj dhe prandaj po përpiqemi që të gjejmë disa elemente në Shqipëri.
Dihet pika e marrëveshjes, synojmë që Luftëtari të kthehet në një klub stabël dhe duhet të luftojë të paktën për vendin e tretë. Objektivi im personal është që të luaj një futboll të bukur, të shënojë gola, që duhet të na japin edhe rezultatin e duhur”, ka thënë Kostic.
