Mbetjet urbane në shumë lagje të Gjirokastrës janë një problem shqetësues. Mungon pastrimi periodik i tyre nga ana e bashkisë, por në disa zona mungojnë edhe koshat. Rasti që po sjellim sot është në lagjen ‘Granicë’, më konkretisht pas kishës që ndodhet afër gjimnazit ‘Siri Shapllo’. Banorët tregojnë për ArgjiroLajm.net se në atë zonë aty s’kanë kosha dhe askush nuk kujtohet për t’i pastruar plehrat apo të sistemojë ambientin përreth.
Ndërkohë që si vend grumbullimi për plehrat, shërben një godinë e braktisur, depo e bashkisë thonë banorët. Sipas tyre aty ka gjithfarë mbeturinash, përfshi edhe shiringa të ndryshme. Tani me rritjen e temperaturave, era e rëndë e mbetjeve kundërmon kudo në lagje. Rreziku për ndonjë epidemi është evident. Banorët janë ankuar disa herë te Bashkia Gjirokastër për zgjidhjen e këtij problemi, por vetën janë përcjellë me fjalë se situata do të ndryshojë. Shihni pamjet.
© ArgjiroLajm.net