Gazetari Mero Baze në një shkrim të botuar te ‘Tema’ ku kritikon qëndrimin e Ramës kundër pranimit të refugjatëve në Shqipëri, a thua ky është një krim i madh, shkruan ndër të tjera se ‘JO-ja’ e prerë e Ramës është dëshmi e një shoqërie të sëmurë, pordhace, ksenofobe dhe pa kauza reale në historinë e saj. Më tej ai tregon se si sillen policat shqitarë me refugjatët.
“Kam parë policë në Kakavijë, ndërsa kthehesha nga Greqia, që i grumbullonin sikur kishin kapur shkelës kufiri në kohë të Enver Hoxhës dhe i shtynin drejt makinave, si policët racistë grekë, emigrantët tanë në vitet ‘90. Një turp i vërtetë”, shkruan Baze.
Kakavija mbetet porta hyrëse kryesore e refugjatëve drejt Shqipërisë për të kaluar tranzit në Malin e Zi e më tej në vendet e BE-së. Aktualisht mediat e huaja thonë se në Shqipëri do të ndërtohet kamp gjigand për strehimin e tyre, por Rama e mohoi diçka të tillë.
© ArgjiroLajm.net