Ditën e sotmestarton Kampionati Botëror i futbollit “Rusi 2018” dhe gjithçka do nisë me ndeshjen Rusi-Arabi Saudite në orën 17:00 duke çelur kështu siparin e një muaji me plot 64 sfida emocionuese.
Ndeshja Rusi-Arabi Saudite do zhvillohet në stadiumin “Luzhniki” të Moskës, ndërsa gjykimi i është besuar arbitrave argjentinas me kryesorin Nestor Pitana, emër i njohur që nga kampionati i kaluar. Faza e parë e Botërorit përbëhet nga 48 ndeshje mes ekipeve të ndara në 8 grupe dhe do zgjasë deri me 28 qershor, ku dy nga kombëtaret që sigurojnë më shumë pikë do kalojnë në fazën tjetër.
Faza e dytë e kampionatit fillon me 30 qershor, ku 16 skuadrat e dala nga grupet duelojnë me njëra tjetrën për të qenë sa më pranë finales, e cila do mbahet me 15 korrik. ArgjiroLajm.net do të përcjell tek ju momentet më pikante nga kjo ngjarje e rëndësishme futbollistike.
