Deputeti i Partisë Socialiste Paulin Sterkaj ndodhet në gjendje të vështirë shëndetësore. Lajmin e bën të ditur kryeministri Edi Rama, pa dhënë detaje të mëtejshme.
“Miku ynë Paulin Sterkaj po kalon një provë të vështirë pas një befasie shëndetësore, të cilën lutemi ta përballojë si kampioni që kemi njohur gjithnjë, qysh në rininë e hershme kur ngrinte peshë zemrat e sportdashësve brenda e jashtë vendit. Forca mik. Jemi të gjithë me ty”, shkruan Rama. Deputeti Stërkaj ndodhet në QSUT nën kujdesin e mjekëve pasi nuk është ndjerë mirë në mbledhjen e grupit.
