Sot ka qenë një ditë e shënuar për talentin e kombëtares shqiptare, Kristal Abazaj, duke qenë se ka debutuar me skuadrën e parë të Anderlehtit. Ish-sulmuesi i Luftëtarit është aktivizuar në pjesën e dytë nga trajneri, në takimin miqësor përballë Molenbekut.
Abazaj do të mbajë te skuadra belge fanellën me numrin 77, që siç duket është një bashkim i numrit që ka mbajtur te Luftëtari. Në kohën kur Abazaj luante në Kategorinë Superiore, mbante fanellën me numrin 7.
Sfida është mbyllur me fitoren e Anderlehtit, me rezultatin e ngushtë 1-0, megjithëse përballë ishte një kundërshtar modest. Tekniku i Anderlehtit ka provuar në fakt lojtarë dhe skena të reja në këtë takim.
