Tre persona kanë mbetur të plagosur për pasojë të një aksidenti në Mallakastër dhe gjashtë të tjerë janë plagosur në një tjetër aksident të ndodhur në orët e para të mëngjesit në rrugën e Rinasit në Tiranë, duke e çuar në 9-të numrin e të plagosurve nga aksidentet rrugore në vend. Nga aksidenti në Mallakastër, mësohet se kamioni është përplasur me një makinë të tipit ‘Volkswagen’, ndërsa kanë mbetur të plagosur pasagjeret e autoveturës, F.D, 55 vjeçe, E.D, 54 vjeçe dhe shtetasi A.D, 60 vjeç, banues në Mallakastër.
Policia tha se të plagosurit ndodhen në spital jashtë rrezikut për jetën.
“Aksidenti ka ndodhur në aksin rrugor Ballsh-Fratar, në vendin e quajtur “Greshiçë”. Urim Koliqi, 45 vjeç, banues në Durrës, duke drejtuar me kamionin u përplas me, me drejtues shtetasin Sh.P, 49 vjeç. Drejtuesi i kamionit Urim Koliqi është ndaluar”,-njofton policia. Një tjetër aksident është shënuar në orët e para të mëngjesit në rrugën e Rinasit në Tiranë, duke lënë të plagosur 6 persona. Ngjarja ka ndodhur rreth orës 06.40 minuta ku tre mjete janë përplasur me njëra-tjetrën.
