Administrata e Shërbimit të Transportit Rrugor në qytetin e Fierit është përfshirë nga një valë e madhe largimesh nga puna si pasojë e ristrukturimit të institucionit. Sipas informacioneve, disa largime janë bërë edhe për mungesën e arsimit përkatës, suprimim të vendit të punës dhe mungesës së performancës.
Numri i të larguarve deri më tani është 15 punonjës, të cilët mbanin poste si punonjës sportelesh, specialist, financier e arkivist. Një pjesë e tyre e kanë apeluar vendimin në Gjykatën Administrative duke thënë se janë zëvendësuar nga militantë të Partisë Socialiste, teksa pritet edhe një reagim nga vetë institucioni.