Tre shqiptarë janë arrestuar në Greqi, një prej të cilëve i arratisur nga një burg në shtetin Helen, ku vuante dënimin për vrasje. Siç raportojnë këtë të martë mediat greke, në Boeotia (rajon pranë Athinës) një helikopter i Policisë evidentoi rreth 1.000 fidanë bimë narkotike. Efektivët rrethuan zonën dhe arritën të arrestonin tre persona, të gjithë me origjinë shqiptare.
Gjatë verifikimeve në Rajon, u zbulua se njëri prej tyre është arratisur nga një burg grek, ku vuante dënimin për vrasje. Raportohet se ai kishte shtetëzuar një leje 5-ditore dhe nuk u kthye më në qeli. Mediat greke nuk japin detaje rrethe gjeneraliteteve të personave të arrestuar.
