Bilanci i viktimave nga zjarret në Greqi mund të jetë i rëndë edhe për Shqipërinë, pasi dyshohet për disa të vdekur. Etmond Guri, ish-drejtues i Federatës së Shqiptarëve në Greqi, përfaqësues i Organizatës ‘Jeta’ është shprehur se janë të paktën 5 shqiptarë që besohet se kanë humbur jetën nga zjarret.
Guri ka treguar se situata është apokaliptike. Sipas tij, ‘janë dy kamerierë që punonin në zonë, dy fëmijë që janë shpallur të humbur dhe një shqiptar tjetër që ka vdekur në makinë’, tha Guri në një lidhje të drejtpërdrejtë nga Athina per Syri.net
“Një familje shqiptare është e humbur. Ata kanë humbur kontaktet që gjatë natës dhe aksush nuk ka mundur të kontaktojë me ta. Bëhet fjalë për dy prindërit dhe dy fëmijët, të cilët janë me origjinë nga një qytet i jugut të Shqipërisë. Ata kanë një shtëpi 3-katëshe në këtë zonë. Nuk po jap më shumë detaje sepse nuk duam që të shkaktojmë panik’, është shprehur Etmond Guri.
