Nga Roland Bejko/ Kreu i PD Gjirokaster
APERITIVI “MBREKULLIBËRËS” QË NA VJEN NGA LAZARATI SI NJË THIRRJE PËR ZHVILLIMIN E TURIZMIT FAMILJAR NË ATË ZONË !
Lëngu BIO i thanës i pregatitur me mjeshtëri dhe dashuri nga halla ime e urtë në Gjirokastër, është një shurup relaksues për shpirtin, freskues për trupin, tretës për stomakun, pastrues për zorët, hollues i gjakut, shërben edhe si afrodiziak etj, që në pregatitjen e tij si një master chef e vërtetë që është, i ka ruajtur me kujdes balancën midis të athëtës së thanëve të Lazaratit dhe të ëmblës me karar të sheqerit.
Është një aperitiv ku e ku më i mirë se të gjitha pijet indistruale të konsumit masiv, i shëndetshëm dhe higjenik dhe që ka një formulë tjetër pregatitje para se ta pish:
PREGATITJA :
Hidh në një gotë në masën e një të tretës së saj shurupin e thanës dhe mbushe gotën me ujë ambienti ose të ftohtë sipas dëshirës. Shto dy-tre kubikë akulli dhe trazoi lehtë ato . Nëse dëshiron mund ti shtosh edhe një gjethe borziloku për aromë. Kështu pija e freskët e lëngut magjik të thanëve ( të Lazaratit) është gati. Mund të pihet para dhe pas buke, pranë një shezlongu në plazh duke lexuar një libër, ose edhe në momente pune pranë komjuterit a në arrë kudoqofshi.
KUJDES:
Nëse do jeni duke pirë këtë lëng magjik, nuk rekomandohet të shoqërohet me përdorimin e smartphonit sepse ka vetinë të risë intensitetin e rrezatimit duke u trazuar me elektrovalët e aparatit dhe dëmton rëndë shëndetin mendor. 😉
Sipas një studimi të bërë nga universiteti i kulinarisë shtëpiake, përpos të tjerash përdorimi i kësaj pije me smartphon në dorë ndikon keq në trurin e njeriut sepse rrit dhjetë fish ndjesinë e të shpenzuarit financiar, pra stimulon ndienjën e konsumizmit pa fre te femrat dhe e ul atë po kaq herë te meshkujt 😉 dhe pasojat dihen pastaj. 😉
Gjithashtu nuk rekomandohet përdorimi i shurupit magjik të thanëve të Lazaratit nga të gjithë ata persona që kanë pasur në mendje qoftë edhe një herë të vetme në jetën e tyre një mendim të keq për atë zonë dhe ata njerëz sepse rrezikojnë çmendjen, ndërsa po të kenë vepruar kundër tyre, xhindet do ti metamorfizojnë në derra si Circia te Uliksi i Homerit, por pa kthim në trajtën e mëparshme njerëzore. 🙂
Ndërsa është i shëndetshëm kur përdoret nga të gjithë miqtë dhe dashamirësit, pavarësisht bindjeve politike apo përkatësive fetare, por prevalojnë natyrisht vaçanërisht kur ata janë demokratë, ish të përndjekur politikë, antikomunistë, por, njerëz të mirë ! 🙂
Së fundi, përdorimi tre herë në ditë i kësaj pije magjike ka vetinë që të bën të besosh në zot, por mbi të gjitha të shton revoltën ndaj Kryeministrit dhe bandës dë tij që po sundon me përbuzje shqiptarët si dhe të shton adrenalinën për protestat antiqeveritare! 🙂 ( kushdo që të ketë nevojë në PD nga më i madhi tek më i vogli, ja ofrojmë falas) 😉 😉
Dhe meqë Lazarati bën pjesë formalisht edhe te programi i 100 fshatrave turistikë, kulinaria tradicionale e kësaj zone fsheh surpriza të tjera edhe më interesante për tu zbuluar në të ardhmen sipas recetave 300 vjeçare të gjysh-stërgjysheve tona. 🙂
Gjatë vitit në vazhdim kam menduar të merrem edhe me nxitjen e turizmit në këtë trevë të mbrekullueshme që ka fatin e madh të jetë e vendosur gjografikisht poshtë malit të Sopotit dhe si fqinj mes dy xhevahiresh të çmuara si Gjirokastra lozonjare e UNESCO-s dhe Derviçani sqimëtar i minoritarëve grekë.
Pavarësisht lançimit dashakeqës që i është bërë vazhdimisht, Lazarati vazhdon të mbetet një destinacion i kërkuar për turistët e huaj dhe vendas.
Tradita dhe pasuritë e tij natyrore, historike dhe kulturore e nakatosur me mikëpritjen e atyre banorëve puntorë janë një mundësi e artë për zhvillimin ekonomik dhe rritjen e mirëqënies së atij komuniteti.
