Nga Telnis Skuqi
DASHNORI I DASHURUAR I PD
Mendova se kisha ditëlindjen sot, ku hapa facebookun. Qindra inboxe më ishin shkruajtur dhe u befasova. Thashë me vete: “Sa shumë më duan”. U zhgënjeva, sepse shumë socialistë më këshillonin të shkruaja diçka për zgjedhjen e kryetarit të ri të Partisë Demokratik për Gjirokastrën. Dashnor Aliko, shkurt Dasho, e njoh shumë, shumë… vite më parë, madje përpara se të ishte kryekomunari i Lazaratit.
E kam njohur në rrethanat shumë njerëzore, ku ai nga hiçi ngriti disa biznese të suksesshme në qarkun e Gjirokastrës. Ai ishte një administrator i shkëlqyer. Punëdhënësit nuk i shikonte si skellvër, por si kolegë. Tani jemi përpara një fakti. Një Dashnor që është dashuruar me politikën dhe njeh me hollësi të gjitha problemet e një force politike.
Disa media joprofesionale, që janë hapur në jug të vendit, e sulmojnë si bashkëfajtorë në hashashizimin e fshatit të tij, megjithatë harrojnë që hashashizimi nuk ishte prodhim “made in Lazarat”, por Lazarati ishte peng i grupeve kriminale. Dashnor Aliko mund të ketë 1001 mëkate, por është mëkat ta akuzosh padrejtësisë si kultivues apo prodhues i lëndës narkotike në Lazarat. Faktet flasin vet.
Pas operacionit të Policisë së Shtetit në Lazarat, në vitin 2014, hashashi morri përmasa të frikshme në të gjithë Shqipërinë, ndërsa rilindasit e mohuan kategorisë këtë fenoment të ndyrë. Zgjedhja e Dasho Alikos në krye të PD të Gjirokastrës është në kohën dhe vendin e duhur. Partia Demokratike e Gjirokastrës ka nevojë për një administrator si Dasho Aliko.
Ata që mendojnë ta bëjnë pisë zgjedhjen e tij, thjesht i bëjnë shërbimin më të madh të sapozgjedhurit, sepse gjirokastritët nuk mund t’i besojnë më Çuçit, Kumbarosh apo Golemit, të cilët jo vetëm kanë tradhëtuar besimin e votuesve, por e kanë kthyer Partinë Socialiste në organizatën kriminale të quajtur “Rilindje”.
Sot askush nuk është i sigurtë që prona është e shenjtë, sepse të vjen zemërgjeri Rama dhe ta rrafshon me argumentin “e të mirës publike”.
Unë jam i bindur që Partia Demokratike në Gjirokastër do të funksionoj me Dashnor Alikon. Suksese! (Fotoarkiv: Lazarat, 10 prill 2010)
