Sot në 74 Vjetorin e Çlirimit të Shqipërisë u inagurua në fshatin Asim Zeneli busti i heroit të popullit Asim Zeneli. Në ceremoninë e organizuar me këtë rast merrnin pjesë autoritetet lokale, zv.ministri i Mbrojtjes, Petro Koçi, deputetët Çuçi e Golemi, si dhe kreu i Autoritetit Rrugor Shqiptar, Afrim Qëndro. Ky i fundit është edhe sponsorizuesi i bustit të Asim Zenelit, ndërsa realizimi i tij u krye nga skulptori Arben Bajo. Kreu i ARRSH-së e mori këtë iniciativë si djalë me origjinë nga ky fshat.
Muaj më parë, një tjetër djalë me origjinë nga Asim Zeneli, Armand Hilaj, në cilësinë e kreut të Këshillit të Qarkut Gjirokastër, tenderoi një investim prej rreth 60 milionë lekësh të vjetra për riasfaltimin e rrugës së fshatit të tij. Për mënyrën e përzgjedhjes së këtij fshati, Këshilli i Qarkut Gjirokastër nuk bëri kurrë transparencë, duke përforcuar në këtë mënyrë idenë se investimi shkoi pikërisht aty sepse ishte fshati i kryetarit Armand Hilaj.
©ArgjiroLajm.net
