Drejtoria e Hetimit Tatimor bën me dije se po vijon kontrollet në terren në qendrat e qyteteve kryesore në vend, me qëllim uljen e informalitetit, si dhe rritjen e të ardhurave. Referuar të dhënave të kësaj drejtorie, gjatë periudhës 1- 26 nëntor, janë kontrolluar 2,928 subjekte, ndërsa janë konstatuar shkelje të legjislacionit tatimor për 1,499 prej tyre me një vlerë shkelje rreth 51.97 milionë lekë. Informaliteti vijon mbetet problem edhe në Gjirokastër. Janë të shumta subjektet, me përjashtim të supermarketeve, që minimalisht nuk lëshojnë as kupon tatimor. Pika karburanti, dyqane, baret dhe restorantet, madje edhe ato më të njohurat në qytet, punojnë me fatura të thjeshta që gjenerohen prej programeve kompjuterike, por që nuk janë kupton tatimor.
Nëse ti kërkon kupon tatimor, në disa subjekte të japin justifikimin banal: “kemi kasën të prishur”. Disa bare dhe restorante që operojnë pa lëshuar kupon tatimor, frekuentohen edhe nga zyrtarë të Drejtorisë së Tatimeve në Gjirokastër.
Këta të fundit kanë dijeni për këtë informalitet, por nuk ndërhyjnë për arsye nga më të ndryshmet; raportet personale, lidhjet nepotike e deri tek ryshfeti. Por kuponi tatimor është vetëm një aspekt i informalitetit në Gjirokastër. Ka edhe një anë tjetër; shkelja hapur e ligjit Antiduhan. Pothuajse në të gjitha baret dhe restorantet e qytetit tymoset duhan pa as më të voglin shqetësim. Askush nuk di të thotë se deri kur do të vazhdojë kjo histori. Nuk është qëllimi të terrorizojmë biznesin me gjoba apo aksione fasadë, por të ndalim vjedhjen kolektive që po i bëhet financave publike. Nëse një subjekt nuk pret kupon tatimor, kjo do të thotë para e munguar në arkën e shtetit.
©ArgjiroLajm.net
