Shoqata ‘Lunxhëria’ ka organizuar një takim festiv me banorë të kësaj krahine që jetojnë dhe punojnë në Greqi. Festa mblodhi së bashku qindra emigrantë në një prej lokaleve të kryeqytetit grek. I pranishëm në festë ishte edhe deputeti socialist i Gjirokastrës, Flamur Golemi. Në pamjet më poshtë Golemi shihet teksa kërcen mes emigrantëve. Nuk dihet nëse ai ka qenë aty rastësisht, i ftuar nga organizatorët apo ka kërkuar të shkojë vetë duke qenë se jemi disa muaj përpara zgjedhjeve lokale dhe evente të tilla ku merr vizibilitet natyrisht që janë të vlefshme për njerëzit e angazhuar në politikë.
©ArgjiroLajm.net
