Rektori i Gjirokastrës: Studentët tanë nuk protestojnë sepse s’e kanë paguar ende tarifën për provimet e mbartura (VIDEO)

Në kohën kur në disa universitete nuk bëhet mësim dhe studentët janë hedhur në protesta, në Gjirokastër Universiteti “Eqerem Çabej” festoi 50 vjetorin. Gjatë ceremonisë, Rektori Bektash Mema tha se universiteti i Gjirokastrës ka tarifa më të ulëta krahasuar me universitete të tjera në vend. Sipas tij fakti që studentët s’e kanë paguar ende tarifën për provimet e mbartura, nuk i ka nxjerrë ata në protestë si studentët e universiteteve të tjera. Dhjetëvjeçarin e fundit universiteti i Gjirokastrës ka shënuar rënie të ndjeshme të regjistrimit të studentëve. Këtë vit akademik në këtë universitet dy degë studimi u mbyllën, ndërsa degët e mësuesisë nuk plotësuan as numrin minimal të studentëve./TCh