Nga Kujtim Cakrani
Meqë jemi tek protesta e studentëve! Nëse keni konstatuar në këto dy ditë të protestës së studentëve, vetëm studentët e Universitetit “Ismail Qemali” Vlorë nuk kanë protestuar! Dhe e dini pse? Universiteti “Ismail Qemali” Vlorë është kapur nga korrupsioni. Ose pa frikë, nga një organizatë kriminale, e drejtuar nga ish-rektori, dekanët, përgjegjësit e departamenteve, kancelarit, financieres dhe shumë pedagogëve….
Ky Universitet prej vitit 201, kur drejtimin e tij e mori Rektori Albert Qarri, u shndërrua në një Korporatë fitimprurëse për familjen e rektorit Albert Qarri, dekanët dhe gjithë pedagogët e korruptuar të këtij Universiteti. Po si ka funksionuar skema mafioze e vjedhjeve të fondeve publike nga ish-rektori A. Qarri dhe gjithë zinxhiri drejtues i Universitetit “Ismail Qemali” të Vlorës? Prej 5 vitesh kam denoncuar skemën se si funksionon korrupsioni në Universitetin e Vlorës.
Kam denoncuar ish-rektorin Albert Qarri, si familje mafioze në Universitetin e Vlorës, pasi ky bashkë me bashkëshorten e tij dhe kjo pedagoge ndërtuan një skemë korruptive, duke filluar nga punësimet për staf akademik të Universitetit të Vlorës, që sipas denoncueseve, për të filluar punë si pedagog duhej të paguhej plot 10.000 deri 15.0000 mijë euro. Për të vazhduar me ryshfetet, për çdo student duhet te paguajë minimum 200 euro për të kaluar lëndën!
Tenderët kanë qenë një tjetër burim korrupsioni i rektorit Albert Qarri, i cili bashkë me kancelaren/in kontrollonte deri tek blerjet kancelarike. Pa këtë korrupsion të organizuar si një skemë të një grupi të mirë strukturuar kriminal nuk do t’i bënte të mundur rektorit të Universitetit “Ismail Qemali” të Vlorës të shkollonte të dy fëmijët e tij djalin dhe vajzën të shkollohen në dy Universitete në SHBA me shumën 75000 mijë dollarë në vit! Pra, për të dy fëmijët rektori Universitetit të Vlorës Albert Qarri paguan plot 140.000 mijë dollarë! Pyetja e çdo njeriu është:
Ku i gjen ish rektori Albert Qarri sot Dekan i Fakultetit të Ekonomisë në Universitetin “Ismail Qmali” të Vlorës 140.000 mije euro çdo vit, që paguan shkollën e fëmijëve? Pra, studentët e Universitetit të Vlorës nuk mund t’i bashkohen protestës së studentëve të universiteteve të tjera publike, sepse ata intimidohen nga banda kriminale, që drejton Universitetin “Ismail Qemali” të Vlorës.
