Nisi si një protestë studentore, por duket se po politizohet prej opozitës, e cila me patjetër kërkon të marrë drejtimin e saj dhe ta kanalizojë ndryshe revoltën e të rinjve. Sot në shesh nuk kishte vetëm studentë, por edhe militantë e ish-funksionarë të PD-së dhe LSI-së.
Nga Gjirokastra kishte mbërritur ish-kryetari i Komunës Cepo, Dragush Logli. Ai ka qenë kryetar komune i PD-së për disa mandate. Më herët gjatë ditës pamë aty truprojën e Monika Kryemadhit dhe shumë njerëz të tjerë nga radhët e opozitës. Studentët kanë bërë vazhdimisht thirrje ‘jo politikë, jo politikë’, por me sa duket PD dhe LSI është duke e përçarë këtë protestë për qëllimet e veta. Opozita që nga dita e parë, është përpjekur me të gjitha format të prishë protestën e studentëve.
Në përfundim të afatit të vendosur për kryeministrin Edi Rama, PD nëpërmjet deputetëve Flamur Noka dhe Grida Duma, iu ka çuar mesazh drejtuesve të Forumit Rinor të PD-së, të shkojnë tek “Zogu i Zi”. Ata kanë kërkuar që ata të bllokojnë “Zogun e Zi”, në mënyrë që asnjë student të mos shkojë në debatin me Edi Ramën, në Top Channel. “Të mbahet sa më gjatë Zogu i Zi, që të mos shkojë njeri në Top Show”, iu shkruan Grida Duma, drejtuesve të FRPD-së.
©ArgjiroLajm.net
