Ai mbërriti në urgjencë në spitalin Moscati të Aversas me një plumb në bark. Bëhet fjalë për një 25-vjeçar shqiptar, rezident në Frignano, që natën e kaluar është plagosur me një plumb në bark, ndoshta në kulmin e një sherri.
Policia ende nuk ka arritur në përfundime dhe nuk ka qartësuar rrethanat e ngjarjes. 25-vjeçari është futur menjëherë në sallën e operacionin ku i është nënshtruar një ndërhyrjeje kirurgjikale shumë delikate.
Policia në Komisariatin e Aversas po heton për zbardhjen e krimit duke mbledhur edhe dëshmitë e personave që mund të kenë qenë të pranishëm në kohën e ngjarjes. Ndërkohë gjendja e të riut shqiptar sipas mjekëve është ende shumë e rëndë. Mediat italiane shkruajnë se dyshimet e para të policisë janë për larje hesapesh por mbetet ende për t’u hetuar.
