Që Ahile Deçka është ‘kukulla’ e Vangjel Tavos në Bashkinë Dropull kjo nuk është diçka e re. E dinë të gjithë në Gjirokastër, Dropull e më gjerë. Madje edhe ai vetë e di këtë gjë, por me sa duket ka bërë kompromis me veten që të pozicionohet në këtë mënyrë. Ama duket krejt qesharake që njëkohësisht të diskreditojë edhe PD-në edhe LSI-në në të njëjtën kohë. Ahile Deçka u shfaq para disa ditësh në krah të Dasho Alikos dhe Tritan Shehut, teksa u prezantua si anëtar i Kryesisë së PD-së në Gjirokastër.
Ndërkohë sot shfaqet krah Vangjel Tavos, në takimin e Monika Kryemadhit. Ahile Deçka është në lirinë e vet të përdoret nga Vangjel Tavo, por nëse zgjedh të shfaqet publikisht si funksionar i PD-së, të paktën të mos të shfaqet edhe tek LSI-ja. Dëmin më të madh në këtë rast ia bën PD-së, duke e disredituar si forcë politike që mbahet në këmbë me ‘njerëz borxh’.
PD Gjirokastër s’ka përse e mban Ahile Deçkën si kukull, për aq kohë sa ai ka zgjedhur të jetë ‘kukulla’ e Vangjel Tavos në Bashkinë Dropull. Veç mos na thoni broçkulla të tipit se Ahile Deçka shkon edhe tek PD-ja edhe tek LSI-ja meqë dy partitë janë në koalicion. Kjo është më banale sesa vetë banaliteti që shohim përditë në politikën shqiptare.
©Argjirolajm.net
