Krahas motit të keq në zonat malore të vendit, situata me mot të ftohtë dhe me borë vijon të jetë prezente edhe në jug. Trashësia e borës në Tepelenë arrin në 30 centimetër, ndërsa në Kurvelesh raportohet se rruga është e kalueshme vetëm me zinxhirë.
Moti i keq gjithashtu është prezent edhe në Memaliaj, ndërkohë mësohet se është zhbllokuar rruga në njësinë Buzë, e cila ishte e bllokuar pas reshjeve të borës.
Në Frashër të Përmetit gjendja është përmirësuar dhe makinat lëvizin vetëm me zinxhirë. Në Zagorie të Libohovës situata paraqitet më pak problematike dhe kalimet e mjeteve kryhen duke përdorur zinxhirët. Ndërkaq në Gjirokastër nga reshjet e dëborës është bllokuar aksi Taroninë- Fushëbardhë si dhe segmenti Rehovë-Golem.
