Një aksident i rëndë ndodhi mbrëmjen e së dielës në autostradën Levan-Tepelenë pranë fshatit Varibob. Sipas policisë dy persona kanë humbur jetën, ndërsa 5 të tjerë janë plagosur. Mësohet se viktimat e aksidentit janë Durim Lamaj 50 vjeç dhe Fetah Shahaj 64 vjeç. Mësohet se një nga të plagosurit është në gjendje kome në spital.
Sipas burimeve nga vendi i ngjarjes mësohet se shkak i aksidentit u bë përplasja e një automjeti me një motor. Nga ky aksident nuk ka pasur asgjë serioze, por pasagjerët e një autobusi të ndaluar të linjës Gjirokastër – Tiranë janë afruar për të parë çfarë kishte ndodhur.
Në ato momente një tjetër automjet ka goditur pasagjerët e autobusit që ndodheshin në këmbë duke shkaktuar tragjedinë. Në vendin e ngjarjes ndodhet policia dhe disa ambulanca.
