Prokurori i Gjirokastrës Spartak Çoçoli u ndalua sot nga policia me kërkesë të Prokurorisë së Krimeve të Rënda. Dyshohet se ai është nën hetim për korrupsion. Pas marrjes në pyetje në komisariatin e Gjirokastrës, Çoçoli u transferua drejt Tiranës. Deri më tani nuk dihet cila është dosja për të cilën dyshohet se ai i ka kërkuar para. Por në verë të këtij viti, Çoçoli u akuzua publikisht nga një famije rome, se u kishte marrë 1 mijë euro për të zgjidhur çështjen e rrëmbimit të vajzës së tyre, por nuk ka bëri asgjë. Vajza 17-vjecare e komunitetit rom në Gjirokastër u denoncua nga prindërit si e rrëmbyer.
Policia arrestoi rrëmbyesin Shpëtim Muharremi nga Levani, por më pas vetë vajza tha para kamerës se ishte larguar me dëshirën e saj nga shtëpia. Për akuzat e prindërve të saj, prokurori Spartak Çoçoli deklaroi se ato nuk ishin të vërteta dhe se ai kishte bërë përpjekje për kthimin në shtëpi të 17-vjecares. Megjithatë për momentin asgjë nuk dihet me siguri. Kjo është vetëm një dosje, për të cilën dyshohet se mund të jetë kryer ndalimi i prokurorit të Gjirokastrës. Shihni në videon më poshtë akuzat e familjes rome për prokurorin.
© ArgjiroLajm.net
