Një sherr ka ndodhur mbrëmjen e sotme në Gjirokastër mes shoferave të autobusave. Burime të Argjirolajm.net thonë se personat e përfshirë në sherr janë përfaqësues të dy agjencive të ndryshme të transportit urban. Një e Gjirokastrës dhe tjetra e Dropullit. Nga njëra anë bab e bir, shtetasit A.B dhe R.B, të cilët janë konflikuar me shtetasit A.S dhe G.S. Mësohet se shkak për sherrin me grushta e sende të forta ka qenë konflikti për oraret e linjave dhe pasagjerët. Dy vetë përfunduan në spital, njëri prej të cilëve kishte të çara në kokë. Më pas policia bëri shoqërimin e tyre në komisariat për të dhënë deklaratat mbi ngjarjen, si dhe për të tentuar pajtimin mes tyre.
©argjiroja.net