Autori i grabitjes së bankës së nivelit të dytë në Tepelenë duket se ka menduar gjithçka në perfeksion para se të vërë në zbatim planin e tij.Argjirolajm.net mëson të tjera detaje nga ngjarja tronditëse. Autori ka mundur të evitojë patrullën e policisë që ishte në qarkullim, e fill pas këtij veprimi ka hyrë në bankë me armë në dorë. Burimet i thanë Argjirolajm.net se ai ishte i maskuar, me veshje ushtarake dhe armë në dorë.
Pa folur fare, i është drejtuar me shpejtësi arkës dhe ka bërë shenjë që të marrë paratë. Ndërkohë punonjësve të tjerë të bankës u ka kërkuar që të mos bëjnë asnjë lëvizje, asnjë telefonatë, në të kundërt do të qëlloheshin.
Mësohet gjithashtu se arma nuk është përdorur, por një plumb ka mbetur brenda në bankë (mendohet t’i ketë rënë autorit, por ky detaj nuk është sqaruar ende nga policia).
Referuar raportimeve të para, dyshohet se autri të ketë marrë xhiron ditore nga arka e bankës, ndërsa policia e Tepelenës thotë se ka mundur të marrë vetëm paratë që ndodheshin mbi banak. Shuma e grabitur nuk është përcaktuar ende.
Dyshohet se pasi ka grabitur paratë ai të jetë larguar në drejtim të fshatit Salari, ku tashmë policia ka ngritur postblloqe
