Policia e Gjirokastrës ka shpërndarë një njoftim për media lidhur me zbardhjen e grabitjes së kambistit në Memaliaj. Më poshtë njoftimi i plotë për ngjarjen.
Zbardhet ngjarja e ndodhur në qytetin e Memaliaj më datën 22.01.2019, ku u vodh me dhunë dyqani i 70 – vjeçarit, M. M. Arrestohen edhe tre persona të tjerë si dhe shpallet në kërkim një tjetër.
Nga Specialistët për Hetimin e Krimit në Stacionin e Policisë Memaliaj, në bashkëpunim me Prokurorinë e Rrethit Gjyqësor Gjirokastër, në vijim të punës për dokumentimin e zbardhjen e ngjarjes së ndodhur më datë 22.01.2019, ku u vodh me dhunë shtetasi M. M., u bë ekzekutimi i urdhrave të ndalimit për shtetasit:
D. N., 18 vjeç, banues në Memaliaj,
A. C., 19 vjeç, banues në Memaliaj,
A. I., 19 vjeç, banues në Memaliaj.
Gjithashtu nga veprimet e kryera u bë i mundur dokumentimi si bashkëpunëtor në këtë ngjarje për shtetasin E. H., 24 vjeç, banues në Gjirokastër (i arrestuar për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”), si dhe u bë shpallja në kërkim e një 22 – vjeçari. Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
