Shkarkohet përfundimisht gjyqtari i Gjykatës së Tiranës Artan Lazaj. Ai humbi sot betejën edhe në shkallën e dytë të ankimit në Kolegjin e Posaçëm të Apelit.
Ndonëse trupi gjykues gjeti të drejtë ankimimin e tij, për shkelje proceduriale në rastin e komisioneres Bekteshi, sërish vendosi shkarkimin nga detyra me argumentin se edhe nga hetimet që KPA ka bërë vetë ka gjetur pasaktësi dhe mosjustifikim të pasurisë së tij. Ky ishte konkluzioni që kishte dalë nga KPK.
“Nga analiza financiare e kryer nga viti 2003-2016 rezulton se të ardhurat nuk kanë qenë të mjaftueshme për pasuritë që ka kryer dhe shpenzimet e kryera. Kolegji vendosi prishjen e vendimit të Komisionit të Pavarur të Kualifikimit por dhe shkarkimin nga detyra Artan Lazaj, gjyqtar pranë Gjykatës së Rrethit Gjyqësor Tiranë.”
Ky vendim është quajtur i jashtëligjshëm nga avokati mbrojtës i gjyqtarit Lazaj, Sokol Hazizaj. Në një prononcim pas seancës avokati tha se do ti drejtohen gjykatës së Strazburgut si e vetmja rruge per te goditur vendimin.
“Vendimi i KPA është haptas i paligjshëm” u shpreh Hazizaj.
Ish gjyqtari i Gjykatës së Tiranës Artan Lazaj u shkarkua nga KPK vetëm me kriterin e pasurisë . Ndërkohë që nuk u morën parasysh dy komponentet e tjerë aftësia profesionale dhe integriteti professional.
