Një megaoperacion në të gjithë vendin është zhvilluar nga Krimet e Rënda dhe Policia e Shtetit. Deri tani bëhet fjalë për 45 të arrestuar në Tiranë, Durrës, Shkodër, Sarandë, Lezhë, e Delvinë për trafik emigrantësh e kalim të paligjshëm të kufirit.
60 në total është numri i personave ndaj të cilëve është lëshuar urdhër arresti. Paraprakisht raportohet se mes tyre ka edhe zyrtarë policie, punonjës në pikat doganore në Gjirokastër e Sarandë.
Bëhet me dije se operacioni ku kanë marrë pjesë dhe agjentë të Interpolit, po shkon drejt fundit ndërsa për emra dhe detaje të tjera pritet njoftimi zyrtar nga ana e Policisë së Shtetit.
