Partia Demokratike do të zhvillojë protestën e saj më datë 9 shkurt në Gjirokastër. Në njoftimin e shpërndarë në rrjetet sociale thuhet se vendi i protestës është zgjedhur në kryqëzimin e njohur si zona e ‘NSHN-së’. Përzgjedhje e këtij vendi ishte propozim i një prej anëtarëve të PD-së në mbledhjen e fundit të aktivit të zgjeruar.
Megjithatë më shumë se sa protestë kjo pritet të jetë thjesht një bllokim rruge nga simpatizantët e PD-së. Është e pakuptimtë se përse duhet zhvendosur tubimi në një kryqëzim periferik, kur në fakt protesta të tilla është e udhës të zhvillohen në sheshe qëndrore të qyteteve ku marrin më shumë vizibilitet.
Zhvendosja e protestës nga ’18 Shtatori’ apo ‘Sheshi i Çerçizit’ tek ‘NSHN-ja’, është në një farë mënyrë largim nga protesta. Ose si të thuash ndryshe: “Eja të fshihemi te NSHN-ja mbase nuk na shohin që dolëm…”
©argjiroja.net
