Disa muaj pasi ARRSH renditi urat më problematike në Shqipëri, pas tragjedisë në urën Morandi në Itali, kamera e emisionit BOOM ka bërë një vëzhgim në disa prej urave të vendit. Këto ura janë cilësuar nga ARRSH si ura që rrezikojnë shembjen dhe kanë nevojë për ndërhyrje. Specialistët ngrenë alarmin se duhet të merren masa te menjëhershme ,para se te shënohen viktima.
Pirro Bedo, Inxhinier: Këtu nuk është bërë mirëmbajtja ashtu siç duhet. Këto struktura nëse nuk mirëmbahen, vjen një moment që bëhet e pamirëmbajtshme dhe je i detyruar të hysh me investime kapitale. Duhet bërë patjetër ndërhyrja.
Në gusht të vitit 2018 ish-kreu i ARRSH u shpreh se brenda 2 javësh do jetë gati kontrata me kompanitë fituese që do të ndërhyjnë në ura.
Afrim Qendro: Brenda dy javëve do të kemi kontratën me kompaninë fituese, e cila do të bëjë projektin dhe të gjithë elementët teknik që duhet të bëjmë me ndërhyrje për urat.
Pas interesimit të emisionit Boom te ARRSH na është bërë me dije se po punohet në fazën e parë që është projekt ideja, dhe me pas projekt zbatimi. Aktualisht nuk është miratuar asnjë fond për ndërhyrjen në urat e cilësuara si problematike. Në qarkun Gjirokastër janë problematike Ura e Leklit dhe Ura e Dragotit.
