Efthymios Fragkos 49 vjec, i kapur në Kakavijë me municione pak ditë më parë (14 Prill 2019) dyshohet se ka kryer dhe herë të tjera trafik municionesh drejt vendlindjes së tij.
‘SosNews.al’ ka arritur të sigurojë foton e shtetasit grek si dhe detaje të rëndësishme nga hetimi penal që po zhvillohet në Prokurorinë e Gjirokastrës. 49 vjeçari me banim në Janinë sipas të dhënave të nxjerra nga sistemi TIMS ka hyrje dalje të shpeshta nga pika kufitare e Kakavijës por dhe nga Kapshtica.
Ai dyshohet se kishte ndërtuar një bashkëpunim prej të paktën dy vitesh me trafikantë në Gjirokastër dhe Tepelenë, për blerjen e armëve tip automatik kallashnikov dhe fishekë si dhe pistoleta të llojeve të ndryshme.
Por pas bashkëpunimit dhe me autoritet greke 49 vjeçarit Efthymios Fragkos i është gjetur në banesën e tij në periferi të Janinës një arsenal i vërtetë armësh dhe municionesh. Pamjet nga armët e gjetura në Janinë Sosnews.al’ do ti sjellë për publikun në shkrimin e rradhës.
Prokuroria ka nisur hetimet për identifikimin e bashkëpunëtorëve shqiptar të Efthymios Fragkos. Sipas raporteve të organizmave serioz ndërkombëtar Shqipëria shërben si vend origjine për armët automatike të tipit kallashnikov municione dhe lëndë eksploziv. Kallashnikovët dhe pistoletat që kalojnë tranzit nëpër Shqipëri trafikohen në Greqi, përmes kufirit të gjelbër dhe pikave të kontrollit kufitar./SosNews.al
