Gjatë mbledhjes së sotme KQZ i jep mandatin tre deputetëve nga listat e PD. Bëhet fjalë për Artur Roshin nga listat e PD në qarkun e Tiranës. Nikolin Stakës dhe Zef Shtjefni nga listat e PD në qarkun e Shkodrës.
Ata janë kryetarë të partive aleatë me PD, konkretishtë: Zef Shtjefni, Partia Ora e Shqiperise, Artur Roshi, Kryetari i Partisë Balli Kombëtar Demokrat dhe Nikolin Staka, Lëvizja Demokratike për Ndryshim, PLDN.
Kujtojmë që në zgjedhjet e vitit 2005 Artur Roshi ka kandiduar në qarkun Gjirokastër. Konkretisht në zonën 91 që përfshinte Dropullin dhe Libohovën. Ai humbi mandatin e deputetit përballë Vangjel Tavos.
Deputetët e rinj pritet të betohen në Kuvend në seancën e radhës plenare. Me betimin e tyre, numri i deputetëve në Parlament shkon në 110, ndër të cilët 79 nga maxhoranca, 14 nga LSI dhe 17 nga PD.
Ndërkohë sot, kandidati Klajdi Qama nga listat e LSI ka dorëzuar në KQZ formularin e dekriminalizimit.