Kreu i opozitës, Lulzim Basha viziton nesër Gjirokastrën në kuadër të turit të tij për të bindur shqiptarët pse Edi Rama duhet të largohet dhe vendi të shkojë në zgjedhje të parakohshme përmes një ‘qeverie tranzitore’. Për t’u bërë thirrje qytetarëve që të dalin në takimin e Bashës, ka dalë sot përmes një deklarate kreu i PD-së, Dasho Aliko. Ai tha se qeveria me kryeministër Lulzim Bashën do t’i kthejë Gjirokastrës dinjitetin.
“Gjirokastra po boshatisët, po braktisët. Partia Demokratike me kryeministër Bashën do t’i rikthejë dinjitetin Gjirokastrës, do t’i rikthejë të gjitha institucionet që janë larguar, do t’i japë shpresë Gjirokastrës, do të krijojë shumë vende të lira pune dhe normalisht qytetarët do rrojnë më mirë dhe do jenë më të zotë në fatin e tyre dhe vendin e tyre”, tha Aliko.
Takimi i Lulzim Bashës është parashikuar të zhvillohet në orën 16:00 në sallën e kinoteatrit të Gjirokastrës.
©argjiroja.net
