Blerja e këpucëve të reja shpesh herë është si një lotari. Merr fletën, kryqëzon gishtat dhe lutesh që të dalë numri yt. Nëse e fiton, do të thotë që këpucët e blera do t’i veshësh vazhdimisht derisa të të mërziten, mjafton mos të të vrasin dhe mos bëhen të bezdisshme gjatë ecjes. Megjithatë ato pak minuta që ne i provojmë në dyqan, nuk mjaftojnë për të na garantuar se këto këpucë janë të përshtatshme për këmbën tonë dhe se nuk do të na vrasin.
Por e gjithë kjo, ka ndodhur deri para se të hapnit këtë artikull. Metoda që duhet të përdorni është shumë e thjeshtë dhe nevojitet vetëm një hile e vogël për të mësuar nëse këpucët e preferuara do ju vrasin apo jo. Disa minuta dhe një metër.
Pra, e vetmja gjë që duhet të bëni është të masni me metër distancën mes takës dhe fundit të pjesës së përparme. Me pak fjalë boshllekun që krijohet në këpucët me takë. Nëse ajo distancë është më pak se 2,5 cm këmba është e detyruar të përthyhet më shumë, çka do të thotë se kjo këpucë do ju vrasë, derisa të përshtatet me këmbën. Ndërsa nëse distanca është me shumë se 3 cm këmba do të qëndrojë në një pozicion normal dhe nuk do të vritet.
E thjeshtë? Shumë e thjeshtë!
