Kryeministri Edi Rama ka dhënë një intervistë për agjencinë Associated Press, ku është shprehur se qëllimi kryesor i opozitës është që të ndërpresë përpjekjet e vendit për të nisur negociatat me Bashkimin Europian. Ai tha për AP se është i vendosur që zgjedhjet e 30 qershorit të mbahen, pavarësisht se opozita është në protesta.
Rama nuk ofroi asnjë zgjidhje për situatën, por tha se “tani është koha për të dëgjuar njerëzit”.
Kryeministri u shpreh se do u rikthehet thirrjeve për dialog të pakushtëzuar pas votimeve.
Rama tha se argumentet e opozitës nuk qëndrojnë, duke shtuar projekti i tyre është që të pengojnë negociatat.
Ai tha se liderët e opozitës druhen se negociatat për anëtarësim në BE do të hapen me fokus tek drejtësia, duke përfshirë faktin nëse zyrtarët e lartë duhet të akuzohen për raste korrupsioni.
“Periudha e pandëshkueshmërisë do të mbarojë dhe ky është problemi për opozitën,” tha ai.
