Një shtetas i cili dyshohet se ka pësuar vdekje natyrale, është gjendur i pajetë mesditën e sotme në banesën e tij në lagjen ‘Apolonia’ në Fier.
Trupi u gjet në katin e tretë të një pallati dhe i përket shtetasit Bajram Brataj, i moshës 60 vjeç.
Kanë qenë banorët e pallatit ata të cilët kanë ndjerë erën e rëndë që vinte nga apartamenti
I moshuari jetonte i vetëm dhe mendohet se ka disa ditë që ka ndërruar jetë, pasi trupi është gjetur tërësisht i dekompozuar.
Nxjerrja e trupit është bërë falë ndërhyrjes së zjarrëfikesve të cilët kanë hyrë nga dritaret, pasi dera qëndronte e mbyllur.
