Detaje të frikshme raportohen nga atetntati i ndodhur mbrëmjen e sotme në zonën e Kinostudios ku humbi jetën ish-polici Santiago Malko.
Paraprakisht bëhet me dije se Malko po ndiqej nga një furgon i bardhë dhe një mjet tjetër Mercedes Benz, të cilët kanë hapur zjarr nga zona e ‘Xhamllikut’ e deri në Kinostudio ku dhe u vra. Pasi janë siguruar që e kanë vrarë 26 vjeçarin, atentatorët, të cilët kanë qenë disa, janë larguar me shpejtësi nga vendngjraja në rrugën ‘Xhanfize Keko’ në drejtim të Freskut. Santiago Malko në pas të shtënave ka humbur kontrollin e mjetit dhe është përplasur me murin e një banese, ndërsa ka tentuar të nxjerr dhe një pistoletë që kishte me vete për t’ju përgjigjur atentatorve.
Fatmirësisht nga të shtënat e shumta nuk ka persona të tjerë të plagosur pasi në momentin e atentatit zona ka pasur frekuentim të lartë.
26 vjeçari është gjetur i pajetë brenda makinës së tij BMW X5, ndërsa policia sapo ka marrë informacion ka shkuar në vendin ku u qëllua Malko, ndërsa një patrullë tjetër u është vënë pas atentatorëve, makina e të cilëve është gjetur e djegur në fshatin Ferraj, në periferi të Tiranës.
Aktualisht policia po punon për mbledhjen e të gjitha provave, ndërsa një pistë e mundshme është sherri që Santiago Malko ka pasur 3 vite më parë me dy vëllezërit Edmond dhe Gentian Lashi, për disa borxhe të krijuara në një kompani bastesh sportive.
Gjithashtu, Malko dyshohet po ashtu se është pjesë dhe ë një ngjarje të rëndë kriminale që ka ndodhur një vit më parë në Tiranë.
