Një aksident më pasojë vdekjen ka ndodhur në vendin e quajtur ‘Fermë-Çlirimi’ në aksin Fier-Seman. Viktimë e këtij aksidenti ka mbetur një 14-vjeçar i cili ka qenë nën shoqërinë e nënës së tij M.B 36-vjeç kur janë përplasur nga makina. Drejtuesi i mjetit tip ‘Volkswagen’ që ka shkaktuar këtë aksident të rëndë është 20-vjeçar R.S banues në Dërmenas .
Si pasojë e plagëve të marra nga ky aksident 36-vjeçarja M.B është dërguar me urgjencë në spitalin e Fierit ndërsa djali i saj nuk ka mundur të mbijetojë.
Pas aksidenti drejtuesi i mjetit R.S larguar nga vendngjarja por u kap nga shërbimet e policisë. Ndërkohë grupi hetimor po punon për zbardhjen e plotë të ngjarjes.
