Policia greke ka sekuestruar 91 kg e 150 gram marijuanë në doganën e Mavromatit në Qafë-Botë. Lënda narkotike ishte fshehur në shasinë e një automjeti me targa shqiptare, ndërkohë që ishte prerë dhe gjysma e serbatorit që të fshihej një pjesë e drogës.
Në pranga kanë përfunduar dy shtetas shqiptarë, ndërkohë që droga kishte destinacion Athinën. Mjeti kishte kaluar doganën shqiptare dhe u ndalua me pas në atë greke nga oficerët e doganës dhe antidrogës së Igumenicës.
