Një ditë pas urdhrit të kryeministrit Rama, drejtorët meshkuj të institucioneve në varësi të qeverisë, në Shkodër kanë paraqitur dorëheqjet.
Kanë dhënë dorëheqjen
1- Kadri Ymeri – Drejtor i DAR Shkodër
2- Mustaf Kraja – Drejtor i Bujqësisë Shkodër
3- Luan Heta – Drejtor i HEC Vau Dejës
4- Edmond Emini – Drejtor i Postës Shkodër ( Kryetar i PS Shkodër )
5- Agim Dardha – Drejtor Administrata e Zonave te Mbrojtura ne Shkoder
6- Astrit Beci – Drejtor i Shendetit Publik Shkoder
Ky veprim nuk do të thotë se ata largohen përfundimisht nga administrate, pasi siç u vendos në kryesinë e PS-së të mërkurën, kjo do të jetë faza e parë që i hap rrugë procesit të rivlerësimit të secilit bazuar në kontributet profesionale e politike.
Ministrja për marrëdhëniet me Parlamentin Elisa Spiropali, e pyetur për këtë tha se forumet e PS nuk vendosin shkarkime, por caktojnë parimet.
Një ditë më parë pati debate të forta në kryesinë e PS-së në lidhje me situatën e krijuar në Shkodër. Burimet thanë se ka patur një përplasje mes kryeministrit Rama e Ditmir Bushatit. I larguar nga drejtimi i këtij qarku, pak javë më parë, Bushati kërkoi të mos ketë shkarkime në masë në Shkodër, gjë që duket nuk u mor parasysh nga kryeministri.
Nga Durrësi, ku Sekretari i përgjithshëm i PS-së Taulant Balla mblodhi të enjten (29 gusht) drejtuesit e këshillit të rajonit të mesëm, ministrja Spiropali shmangu përgjigjen direkte për qëndrimet e Bushatit.
Veç Shkodrës në proces riorganizimi do të kalojnë edhe qarqet e tjera të vendit.