Partizani u rikthye te fitorja pas humbjes me Kukësin në javën e parë. Ekipi i kuq mposhti në transfertë Luftëtarin me rezultatin 0-1 falë golit të Bruno Telushit. “Demat” më në fund mund të buzëqeshin pak, por përjashtim bëri William Cordeiro.
Braziliani nuk po kalon një formë të mirë dhe në të dy ndeshjet e para të fillimit sezonit është zëvendësuar vetëm pas 45 minutash lojë. Në humbjen ndaj Kukësit ishte Çinari që i mori vendin me rifillimin e pjesës së dytë, ndërsa e njëjta gjë u përsërit dhe në Gjirokastër.
Lojtari brazilian nuk është aspak i kënaqur me këtë trajtim dhe në Gjirokastër ka shfaqur dhe nerva. Drejtuesit janë munduar të flasin dhe ta qetësojnë duke i theksuar se vendimet janë të trajnerit Lerda dhe duhen respektuar.
