Policia e Gjirokastrës ka shpërndarë për mediat një njoftim të shkurtër mbi ngjarjen e rëndë në Memaliaj, ku një person i quajtur Arjan Shahaj ka vrarë me sëpatë babain e tij. Policia thotë se ka ngritur grupe kontrolli për krehjen e zonës dhe arrestimin e vrasësit.
Në fshatin Shalës, Bashkia Memaliaj, shtetasi A.Sh. 35 vjeç (me probleme të shëndetit mendor) ka goditur me mjete të forta babain e tij, shtetasin I. Sh., 77 vjeç, duke i shkaktuar vdekjen.
Drejtoria Vendore e Policisë Gjirokastër ka ngritur disa grupe kontrolli dhe po behet krehja e zonës për gjetjen dhe kapjen e autorit.
Në vendngjarje ka shkuar grupi hetimor dhe po punon për zbardhjen e plotë të ngjarjes.