Disa orë pas raportimit në media të lajmit për shkarkimin nga detyra e Ministrit të Brendshëm, Saimir Tahiri ka dhënë reagimin e parë përmes një mesazhi të shkurtër në faqen e tij në Facebook.
“Për saktësim, as më ka kërkuar kush e as kam dhënë dorëheqje deri tani. Sidoqoftë, më të fortë do jemi, sot e gjithmonë, bashkë”, shkruan Tahiri.
Por pavarësisht këtij reagimi, mësohet se Ministri i Brendshëm është larguar nga detyra dhe se zyrtarizimi pritet të bëhet ditën e hënë bashkë me disa ministra të tjerë që do të lëvizin nga detyra, me qëllim formatimin e qeverisë përpara zgjedhjeve parlamentare.
