Një situatë e pazakontë i ka ndodhur një qytetari nga Tepelena, teksa ishte duke kaluar Urën e Dragotit. Siç tregon ai vetë për Argjirolajm.net, një automjet tjetër është futur në urë njëkohësisht ndonëse përparësinë i pari e kishte ky. Automjeti vinte nga fshati Peshtan, tregon tepelensi për Argjirolajm.net
Për disa minuta të dy makinat qëndruan sipër urës, ç’ka është kategorikisht e ndaluar me rregulloren e kalimit sipër kësaj vepre. Pas debateve shoferi që kishte hyrë gabim, drejtues i makinës tip “Wolsvagen Passat”, u tërhoq mbrapsht duke nisur të shante dhe ofendonte qytetarin nga Tepelena.
Ky i fundit tregon se njoftoi policinë për këtë rast, por ishte e kotë pasi salla operative e Përmetit i tha të lidhej me Tepelenën dhe derisa të vinte patrulla e policisë, shoferi i “Passatit” ishte larguar. Ura e Dragotit është një prej më të vjetrave në vend, e ndërtuar nga italianët gjatë pushtimit fashist.
Me kalimin e viteve ajo është rrezikur kryesisht nga lëkundjet e tërmeteve, por edhe mosrespektimi i tonazhit të lejuar sipër saj. Ndërkohë është kategorikisht e ndaluar që dy mjete të hipin njëkohësisht sipër saj. Jo vetëm për shkak të peshëh, por edhe shkëmbimi është i pamundur. Shihni fotot e rastit të pazakontë që denoncoi qytetari nga Tepelena.
